طيب فاكرة أول متجوزنا وطلعت للبياع جنيه
طيب فاكرة البياع أما قالي مفيش فكه يا بيه
فاكـــــرة ولا أيه …
طيب ذنبي أنا في زمن اتغير زي ده أيه
لا طلعت في ثورة ولا قولت عايزها حره
اديني ابتليت بالفقر والمرض مفيش مسره
اتبدل الحال وابن المحتال بقي وحش المجره
أنا لولا خايف من ربنا كنت طلعت من ديني
أو خلصت من روحي وزي مترسي توديني
نفسي الناس تعرف أن ظروفي بقت فلسطيني
بس هو أحسن مني لأنه بيموت أسرع
لكن أنا بموت كل ساعة وكل شيء يوجع
حكمت التوزيع خلت ناس عايشه في مرتع
وناس بتصرخ بأعلي صوت بس مين يسمع
يابنتي الصبر آخره فرج وفرج نايم بيتمطع
أمتي ربنا يبسط ايديه ليا ولفلسطين
ما أحنا ملناش حد غير ربنا قولي امين 