تستقبل أسرة الفنان الكبير أشرف عبد الغفور عزاءه غدًا الثلاثاء الموافق 5 ديسمبر في مسجد الشرطة بالشيخ زايد، حيث وافته المنية أمس الأحد بعد تعرضه لحادث سير على طريق مصر إسكندرية الصحراوي.

عمرو أديب ينعي أشرف عبد الغفور 

ونعاه عمرو أديب قائلًا: أشرف عبدالغفور توفى بعد هذا الحادث وهو 81 سنة ورحل ما بين 280 عمل مسرحي ودرامي وتلفزيوني، فيه ناس وممثلين ميتكرروش، فهو ظاهرة فنية وكان له عدد من المسلسلات، الناس بتقعد تتفرج عليها بجانب طريقة نطقه للغة العربية والأخلاق والأدب والثقافة واحترامه للعمل.

تصريحات عمرو أديب عن أشرف عبد الغفور 

وأضاف، الراجل ده بيمثل منذ عام 1962، وبيقدم أعمال عظيمة ومن هنا بتيجي الحضارة، اللي بتيجي من تراكم الثقافة، فالراجل ده قدم مسلسل القاهرة والناس وكان معاه نور الشريف، ويعتبر من كلاسيكيات الدراما، الناس دي كانت بتقدم دراما على الهواء، ولو في غلطة الحلقة كلها بتتعاد، كانوا بينحتوا في الصخر عشان يقدموا فن حقيقي، كانوا بينقلوا رسالة وقت ما كان الفن رسالة ومتعة وتغيير.

هذا وقال أشرف عبد الغفور خلال برنامج واحد من الناس مع الإعلامي عمرو الليثي: أنا عملت حاجة من خمس سنين أنا بعتبرها أهم إنجاز عملته في حياتي، أهم جايزة أخدتها في حياتي، ايه هي الجايزة؟، تمثال أوسكار مكتوب عليه جراند با (جد) قدمهولي أحفادي.

أشرف عبد الغفور يتحدث عن أسرته

وتابع، أنا ليا ست أحفاد، الحفيدة الأولى الدكتورة منة الله، خريجة كلية الطب البشري، ومتخصصة في الأمراض النفسية، واتجوزت من شهر، وفنانة وبتغني ولها باع في السوشيال ميديا.

وأضاف، أخوها اللي بعديها دكتور صيدلي محمد، أخوهم التالت عمر في كلية الصيدلة فاضله سنتين ويتخرج، أشرف ابن تامر بيدرس الاقتصاد والعلوم السياسية، يوسف ابن ريهام الأكبر درس صناعة الأفلام في كندا، ودلوقتي بيتمرن تصوير وهتلاقي اسمه على تتر مسلسل تحت الوصاية، والحفيد الأصغر خالص هو فاروق ابن ريهام الصغير عنده 10 سنين.

واستطرد، في سنة 2017 ابن ريهام الصغير كان أقل من 5 سنين فمقدرتش أخده معايا.. أخدت الخمسة التانيين أنا لوحدي على فلوريدا في ديزني لاند قعدنا 22 يوم أنا وهما فقط، من أسعد أيام حياتي، وأيام حياتهم عشان أنا حسيت ولغاية دلوقتي أن أنا عملت حاجة في حياتهم لن ينسوها.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *